JIACHIE

Kwa kutazama kwako vipindi vya Maisha Plus, kusoma habari zinazolihusu shindano na kutoa maoni, moja kwa moja ulikuwa sehemu ya Maisha Plus.

Timu nzima ya Maisha Plus inakushukuru wewe kwa kuchukua muda wako na kulifuatilia shindano hili, hii ndiyo ilikuwa sehemu kubwa ya mafanikio yetu kwa kuwa tulikulenga wewe.
Kwa kipindi cha zaidi ya miezi miwili umekuwa nasi bega kwa bega kutuunga mkono katika hili, tunautambua mchango wako kwa kuwa wewe ni sehemu ya shindano hili.

Tunamshukuru mungu kwa kuweza kulifanya shindano hili kuwa kubwa na lenye mafanikio na zaidi ya yote limekuwa sehemu ya kuwajenga na kuwaburudisha Watanzania.
Mwisho wa msimu huu ndio mwanzo wa maandalizi ya shindano la msimu ujao, tunaamini utakuwa na subira ukiwa na imani na sisi kuwa tukuandalia kitu kingine kizuri na chenye manufaa.

Mungu akubariki kwa sehemu ya mafanikio ya Maisha Plus.
regards unaweza kuendelea kupata habari mpya za maisha plus kupitia mtandao wetu wa maishaplus.g5click.com

Regards

Julieth Kulangwa

Milipuko mikubwa ya mabomu imetokea leo huko Mbagala katika ghala ya silaha ya Jeshi la Wananchi wa Tanzania, milipuko ambayo imesababisha wasiwasi mkubwa kwa wakazi wa Jiji la Dar na vitongoji vyake.

Habari za awali zinasema kuwa milipuko hiyo siyo jambo la mazoezi bali ni ajali. Hadi hivi sasa idadi taarifa za awali zinasema watu watatu wamekufa na wengine wengi kujeruhiwa na kukimbizwa kwenda hospitali ya Temeke na hospitali nyingine za jirani. Taarifa za awali za kijeshi zilitoa wito kwa wananchi walioko ndani ya usawa wa kilomita 25 kuhama maeneo yao na muda mfupi uliopita Naibu Waziri wa Ulinzi Bw.

Emmanuel Nchimbi amerudia wito huo kupitia ITV na kuwataka watu waliokuwa kwenye majengo marefu kuteremka. Milio na mtikiso wa mabomu hayo umesikika hadi maaeneo ya Msasani upande mwingine wa Jiji la Dar huku maofisi na maeneo ya makazi baina ya pande hizo mbili yakiwa katika hali ya wasiwasi, na watu wakipata na mshtuko.

Kufuatia mlipuko huo Polisi wametoa maelekezo kuwa mtu yeyote akiona kifaa cha chuma ambacho kimeangukia kwenye nyumba yake au eneo lake asijaribu kukihamisha bali kutoa taarifa Polisi kwani kuna mabomu mengine yamerushwa katika mlipuko huo lakini bado hayajlipuka.

Vivyo hivyo, serikali imeahidi kuwahudumia bure wale wote ambao wamejeruhiwa katika mlipuko huo na kusaidia katika kukarabati makazi ya wale ambao nyumba zao zimeharibiwa kufutia mlipuko huo mkubwa. Vyanzo mbalimbali vya habari vinadokeza kuwa wengi wa waliojeruhiwa ni pamoja na watoto wa shule ya Msingi ambayo iko jirani na eneo hilo na wakazi ambao nyumba zao zimelizunguka ghala hilo.

Juhudi za uokoaji na udhibiti wa hali zinaendelea kukiwa na ushirikiano kati ya Jeshi la Wananchi, Polisi na vyombo vingine vya usalama pamoja na vyombo binafsi vya uokoaji kama Ultimate Security. Jiji la Dar ambalo lina wakazi karibu milioni tatu lina kituo kimoja tu cha Uokoaji na haijulikani kama Jeshi la Wananchi wa Tanzania linakituo chake cha Zimamoto kwani katika eneo la Dar na Pwani Jeshi hilo lina kambi mbalimbali, mahospitali pamoja na vikosi vingine mbalimbali.

Kwa upande wa JWTZ, kuna wanajeshi ambao wamekufa kishujaa katika jitihada za kukabiliana na mlipuko huo ili kuzuia mabomu yasidhuru jamii zaidi. Kwa hesabu yoyote leo itakuwa ni siku ya majonzi makubwa kwa Taifa kwani idadi ya waliokufa inaweza kuwa kubwa sana na ya wale waliojeruhiwa kupita hata ukadiriaji wa haraka.

Madhara kwa nyumba na vitu mbalimbali inakadiriwa kupitia mabilioni. Tunaombea hilo halitakuwa hivyo vumbi zima likishatulia. KLHN na wasomaji wake wote tunaungana na serikali kutoa wito kwa wananchi kufuata maagizo yote yanayotolewa na vyombo vya usalama wakati huu na kuhakikisha kuwa wakati kama huu kama kitu kimoja tunaweka tofauti zetu pembeni na kuhakikisha tunasaidiana.

Tusimame pamoja na kuzuia uporoji wowote ambao unaweza kutokea kwenye nyumba za wale walioathirika na tusikubali watu wachache watumie tukio hili kama nafasi ya kufanya uhalifu. Tunatoa taasisi mbalimbali ambazo zinauwezo kuanza mara moja kutoa misaada ya kiutu kusaidia wale wote walioathirika, kujeruhiwa au kupoteza vitu mbalimbali kwani tukio hili japo tutajua zaidi chanzo chake hapo baadaye ni msiba wa taifa letu na kimguse kila mmoja kama tulivyoguswa na mambo ya kipuuza ya zeutamu! Hili ndilo tukio la kutuunganisha Watanzania wote wakati huu na mambo ya nani awajibike au asiwajibike yaje baada ya kuhakikisha kuwa hali imerudishwa katika usalama, waliojeruhiwa wanajulikana na hatua madhubuti zimechukuliwa kuhakikisha usalama wa eneo hilo.

Kutoka hapo, ndipo sauti zetu zipae juu ya jinsi gani tukio hili lingeweza kuzuiliwa kwani wengine tuliandika mambo haya karibu mwaka mzima kwa sababu tunaamini Jiji la Dar limekaa katika hali ya majanga makubwa sana. Na hili yawezekana ni dokezo tu. Tutasema zaidi baadaye. Tunawaombea rehema wale waliopoteza maisha yao, unafuu na uponyi wale waliojeruhiwa na ujasiri na moyo wa kujitoa zaidi kwa wale ambao wanasimama kuhakikisha usalama wa Taifa letu.

Afisa uhusiano wa Tigo Jackson Mmbando (kati) akizungumza na waandishi wa habari Dododma jana, kuhusu ufadhili wao kwa shirika lisilo la kiserikali lijulikanalo kama Community Development Relief Trust(CODERT) kusaidia uanzishwaji wa miradi ya kuweka na kukopa kupitia vikundi vya kijamii katika kata nne za wilaya za Dodoma. kushoto ni Gabriel Landa,Meneja mauzo wa kanda ya kati na Isaka Wilegi, Mkuu wa miradi ya Shirika hilo.

Pichani ni baadhi ya wafanyakazi wakitoka nje ya maofisi yao mara baada tikisiko kubwa kupita kwenye majengo yaliopo katikati ya jiji leo mchana,ambako kumezuka tafrani na hofu kubwa ya kila mmoja kutaka kukimbilia anakokujua yeye,wengine wakidai ni tetemeko la ardhi wengine ni mlipuko wa mabomu huko mbagala.

Profesa,Wakali Kwanza,Tundaman kusindikiza tuzo za Wanafunzi bora TZ.

Hii ni kwa mara ya kwanza kabisa nchini kushuhudia tuzo za elimu zikitolewa kwa wanafunzi waliofanya vizuri kwenye ngazi za shule za msingi pamoja na sekondari na katika utoaji huo wa tuzo wanamuziki mbalimbali ambao ni Profesa Jay,QJ na Makamua,Tundaman,Spark pamoja na kundi zima la Bongo Dar-Es-Salaam wakiwemo kusindikiza utoaji wa tuzo hizo mwezi ujao ndani ya viwanja vya Leaders.

Tumezoea kusikia tuzo zinatolewa kwa wanamuziki bora,waigizaji bora wachezaji bora na tuzo nyingine mbalimbali lakini kwa hapa nchini hatujawahi kusikia tuzo zinatolewa kwa wanafunzi bora nchini lakini kwa mara ya kwanza PTECHS inakuletea tuzo kwa wanafunzi bora nchini ambazo zitakuwa na lengo moja kuu na la muhimu la kutaka kuwapa moyo wanafunzi ili waweze kufanya vizuri na kuinua elimu nchini.

Mmoja wa waandaaji wa tuzo hizo za elimu,Godfrey Maginga alisema kwamba yeye pamoja na wenzake waliweza kukaa chini na kujiuliza maswali kwanini kila siku zinaibuka tuzo mbalimbali na elimu inakuwa inapewa kisogo na ndiyo maana wameamua kuchukua uamuzi wa kuandaa tuzo hizo maalumu kwa wanafunzi wa shule za msingi na sekondari Tanzania.

"Kila siku tunasikia tuzo kwa wasanii mbalimbali lakini hata siku moja hatujawahi kusikia tuzo kwa wanafunzi ambao ni kizazi chetu cha kesho hivyo ndiyo maana tuliamua kuandaa tuzo hizi za wanafunzi wanaofanya vizuri nchini"Alisema Godwin Maganga.

Akielezea kuhusu mchakato mzima wa tuzo hizo,msemaji huyo alisema tuzo haziwezi kutolewa bila ya burudani yeyote ile hivyo kusindikiza utoaji wa tuzo hizo wameamua kuwaalika wanamuziki mbalimbali ambao nao watahamasisha wanafunzi kushiriki mashindano ambayo yanawapelekea kupata tuzo hizo pamoja na burudani.

Bongo 5 iliweza kuongea na baadhi ya wanamuziki hao ambao watatoa burudani siku hiyo na walisema kwamba ni moja ya changamoto ambayo itaweza kuamsha juhudi za wanafunzi nchini kufanya vizuri mashuleni.

"Kwakweli ni moja kati ya tuzo ambazo zitawapa mwamko wanafunzi wa kusoma kwa bidii ili waweze kupata tuzo hizo"Makamua.

Naye Profesa Jay,mzee wa mitulinga alisema kwamba tuzo hizo ni moja kati ya tuzo zinazotakiwa kupewa heshima zake nchini kwakuwa ni moja kati ya tuzo ambazo zinaweza kuibua viongozi wa kesho.

Tuzo hizi zinatarajiwa kutolewa may 23 ndani ya viwanja vya Leaders.

Watangazaji mahiri wa Clouds Fm 88.4 kupitia kipindi cha Leo Tena kinachorushwa kila siku ya jumatatu kuanzia saa 3 asubuhi mpaka saa 7 mchana.Kutoka shoto ni bibie Gea Habib ambaye anakamua kipande kiitwacho heka heka,kati ni Zamarad Mketema ambaye anafanya kipande cha Bongo Movie pamoja na mama lao anaendesha kipindi kizima cha Leo Tena, Dina Marious wakiwa wamepozi na mwana wa Clouds Mwingine aitwaye Athuman a.k.a Suka

Kwa Mawasiliano: + 225 773 777 550
+255 773 467 467
+255 713 267 267

Karibuni sana