Friday, July 29, 2016

Rais Magufuli aanza ziara ya siku nne mikoa minne, aonya watakaothubutu kufanya vurugu


Rais wa Jamhuri ya Muungano wa Tanzania Dkt. John Pombe Magufuli leo tarehe 29 Julai, 2016 ameanza ziara ya siku nne katika mikoa ya Singida, Tabora, Shinyanga na Geita akitokea mkoani Dodoma, ambapo amezungumza na wananchi kwa lengo la kuwashukuru kwa kumpigia kura katika Uchaguzi Mkuu wa mwaka jana na kueleza juhudi zinazofanywa na serikali katika kutatua kero za wananchi na kuwaletea maendeleo.

Akiwa Mkoani Singida, Rais Magufuli aliyeongozana na mkewe Mama Janeth Magufuli amewasihi watanzania kufanya kazi kwa juhudi na kujiepusha na vitendo vya vurugu vinavyohamasishwa na baadhi ya wanasiasa huku akionya kuwa serikali yake haitamvumilia mtu yeyote ambaye atathubutu kuchochea vurugu ikiwemo maandamano kinyume cha sheria.

"Sitaki nchi hii iwe ya vurugu, watakaoleta vurugu mimi nitawashughulikia kikamilifu bila huruma, na wasije wakanijaribu, mimi ni tofauti sana na kama wapo watu wanaowatumia wakawaeleze vizuri, mimi sijaribiwi na wala sitajaribiwa."Wananchi hawa wana shida, na siasa nzuri ni wananchi washibe, siasa nzuri ni wananchi wetu wapate dawa" Amesema Rais Magufuli.

Kuhusu hatua mbalimbali zilizochukuliwa na Serikali yake ya awamu ya tano tangu aingie madarakani Rais Magufuli ametaja baadhi ya hatua hizo kuwa ni kufuta ada kwa shule za msingi na sekondari, kutoa mikopo kwa wanafunzi wa vyuo vikuu zaidi ya laki moja na kuongeza fedha za miradi ya maendeleo katika bajeti ya serikali kutoka asilimia 26 ya mwaka 2015/2016 hadi kufikia asilimia 40 katika bajeti ya mwaka huu 2016/2017.


Hatua nyingine ni kuondoa wafanyakazi hewa 12,500 katika orodha ya waliokuwa wanalipwa mshahara na serikali, kudhibiti upotevu wa mapato serikalini, kutenga shilingi Trilioni moja kwa ajili ya kuanza ujenzi wa Reli ya kati kwa kiwango cha kisasa yaani Standard gauge na pia akazungumzia hatua zilizochukuliwa dhidi ya wala rushwa na wanaojihusisha na ufisadi kwa kuunda mahakama ya mafisadi huku akiapa kuwa katika kipindi chake hakuna fisadi atakayeendelea kutamba.

Akiwa njiani Rais Magufuli amewasalimu wananchi wa Ikungi na baadaye amefanya mkutano wa hadhara Singida Mjini ambako amesisitiza kuwa serikali yake haiko tayari kumvumilia mtu yeyote atakayekwamisha utekelezaji wa Ahadi na Ilani ya Uchaguzi Mkuu wa Mwaka 2015.

Gerson Msigwa
Kaimu Mkurugenzi wa Mawasiliano, IKULU
Singida
29 Julai, 2016

Mkuu wa Mkoa wa Singida Mhandisi Mathew Mtigumwe akimpokea Rais wa Jamhuri ya Muungano wa Tanzania Dkt. John Pombe Magufuli mara baada ya kuwasili katika Wilaya ya Manyoni Mkoani Singida.
Rais wa Jamhuri ya Muungano wa Tanzania Dkt. John Pombe Magufuli akihutubia mamia ya wakazi wa Manyoni Mkoani Singida mara baada ya kuwasili katika Wilaya hiyo akiwa njiani kuelekea mkoani Singida. 

Mke wa Rais Mama Janeth Magufuli akiwasalimia wakazi wa Singida mara baada ya kuwasili. 

Rais wa Jamhuri ya Muungano wa Tanzania Dkt. John Pombe Magufuli akiwapungia wakazi wa Manyoni mara baada ya kumaliza kuhutubia katika Uwanja wa Shule ya Msingi Tambuka Reli Manyoni Mkoani Singida.
Mbunge wa manyoni Magharibi Yahya Masare akicheza ngoma na kikundi cha Ngoma za asili cha Manyoni kabla ya Rais wa Jamhuri ya Muungano Dkt. John Magufuli kuhutubia mkutano katika Uwanja wa Shule ya Msingi Tambuka Reli Manyoni Mkoani Singida.
Rais wa Jamhuri ya Muungano wa Tanzania Dkt. John Pombe Magufuli akiwahutubia wakazi wa Ikungi waliomsimamisha wakati akielekea Mkoani Singida. PICHA NA IKULU

MAKAMU WA RAIS ATEMBELEA TAASISI YA SARATANI



Makamu wa Rais wa Jamhuri ya Muungano wa Tanzania Mhe. Samia Suluhu akizungumza na Katibu wa Kamisheni ya Utalii Zanzibar Saleh Ramadhan Feruzi (katikati) ambaye amelazwa katika Taasisi ya Saratani ya Ocean Road.
Makamu wa Rais wa Jamhuri ya Muungano wa Tanzania Mhe. Samia Suluhu akimjulia hali Ndugu Said Mohamed mkazi wa Mafia ambaye amelazwa katika Taasisi ya Saratani ya Ocean Road, Mkazi huyo wa Mafia alimueleza Makamu wa Rais juu ya ugumu wa upatikanaji wa Dawa.
Makamu wa Rais wa Jamhuri ya Muungano wa Tanzania Mhe. Samia Suluhu akimjulia hali Bi. Maria Maliseli Boniface wa Kilosa Morogoro ambaye amelazwa katika Taasisi ya Saratani ya Ocean Road.
Makamu wa Rais wa Jamhuri ya Muungano wa Tanzania Mhe. Samia Suluhu akimjulia hali Ndugu Calist P. Mushi mkazi wa mkoa wa Kilimanjaro ambaye amelazwa katika Taasisi ya Saratani ya Ocean Road
Makamu wa Rais wa Jamhuri ya Muungano wa Tanzania Mhe. Samia Suluhu Hassan akizungumza na Kaimu Mkurugenzi Mtendaji wa Taasisi ya Saratani ya Ocean Road Dk. Diwani Msemo (kulia) wakati wa kutembelea Taasisi hiyo iliyopo jijini Dar es Salaam.
Makamu wa Rais wa Jamhuri ya Muungano wa Tanzania Mhe. Samia Suluhu akizungumza na wananchi waliokuja kuwaona ndugu na jamaa zao ambao wamelazwa katika Taasisi ya Saratani ya Ocean Road, Wananchi hao walimueleza Makamu wa Rais haja ya kuongezwa kwa mashine za mionzi suala ambalo Makamu wa Rais aliwajibu kuwa zitafungwa mashine mpya mbili katika mwaka huu wa fedha 2016-2017 ilikurahisisha matibabu.

...................................

Makamu wa Rais wa Jamhuri ya Muungano wa Tanzania Samia Suluhu Hassan ameahidi kuwa serikali itanunua mashine mbili za kisasa za mionzi kwa ajili ya Taasisi ya Saratani ya Ocean Road ambazo zitasaidia kwa kiasi kikubwa utoaji wa matibabu kwa wagonjwa wanaoenda kupata matibabu katika Taasisi hiyo.

Makamu wa Rais wa Jamhuri ya Muungano wa Tanzania Samia Sulu Hassan ametoa ahadi hiyo wakati akizungumza na waandishi wa habari mara baada ya kumaliza ziara fupi ya kutembelea Taasisi ya Saratani ya Ocean Road pamoja na Kumtembelea na kumpa pole Katibu wa Kamisheni ya Utalii Zanzibar Saleh Ramadhani Feruzi ambaye anapatiwa matibabu kwenye Taasisi hiyo jijini Dar es Salaam.

Makamu wa Rais amesisitiza kuwa mkakati uliopo wa serikali unalenga kuhakikisha kuwa hali ya utoaji wa huduma za afya na dawa kote nchini unaimarika maradufu ili wananchi waweze kupata huduma hizo kwenye maeneo yao kwa ubora unatakiwa.

Kuhusu uhaba wa wahudumu wa afya katika Taasisi ya Saratani ya Ocean Road, Makamu wa Rais Samia Suluhu Hassan ameuahidi uongozi wa Taasisi hiyo kuwa serikali itahakikisha wahudumu hao wanapatikana katika mwaka wa fedha wa 2016/2017.

Baadhi ya wagonjwa na wananchi wamepongeza utoaji wa tiba katika Taasisi ya Saratani ya Ocean Road na wameomba serikali iendelee kuipatia taasisi hiyo vifaa vya kisasa vya kutolea tiba kama hatua ya kuboresha utoaji wa matibabu kwa wagonjwa wanaokwenda kupata matibabu ya saratani.

WAZIRI MKUU KASSIM MAJALIWA MJULIA HALI SPIKA


Waziri Mkuu, Kassim Majaliwa akizungumza na Spika wa Bunge , Job Ndugai wakati alipokwenda nyumbani kwa Spika jijini Dar es salaam kumsalimia Julai 29, 2016. Mheshimiwa Spika amerejea nchini hivi karibuni akitoka India kwa matibabu.
Waziri Mkuu, Kassim Majaliwa akizungumza na Spika wa Bunge , Job Ndugai wakati alipokwenda nyumbani kwa Spika jijini Dar es salaam kumsalimia Julai 29, 2016. Mheshimiwa Spika amerejea nchini hivi karibuni akitoka India kwa matibabu. Kushoto ni Waziri wa Nchi, Ofisi ya Waziri Mkuu, Jenista Mhagama. (Picha na Ofisi ya Bunge)

DIAMOND NA SWIZZ BEATS NA MPANGO WA KUINUA MUZIKI WA AFRICA


DIAMOND PLATNUMZ JUZI KATI TAREHE 22 JULY ALIPERFORM KWENYE TAMASHA LA ONE AFRICA MUSIC FESTIVAL AMBAYO ILIFANYIKA BROOKLYN NEWYORK KTK UKUMBI MKUBWA WA Barclay center, NEW SHOW KUBWA KULIKO ZOTE AMBAZO DIAMOND AMEWAHI KU PERFORM NJE YA AFRICA, XXL ILIWAKILISHWA NA B DOZEN AMBAYE ALISHUHUDIA PRODUCER SWIZZ BEATS AKIFIKA KWENYE SHOW HIYO MAALUM KWA AJILI YA KUKUTANA NA DIAMOND PLATNUMZ, SO MUDA MFUPI BAAD AYA MEETING HIYO, DOZEN ALIMVUTA CHAMBER DIAMOND AKAFUNGUKA WALICHOZUNGUMZA NA PRODUCER SWIZZ BEATS AMBAYE ANA TUZO MBILI KUBWA DUNIANI ZA BET, NA GRAMMYS

VETA YATOA VIFAA VYA UFUNDI VYA SH.MILIONI 11 KWA ATAMIZI YA OSARIKA JIJINI DAR ES SALAAM leo.

Na Chalila Kibuda, Globu ya Jamii.
MAMLAKA ya Elimu na Ufundi Stadi Kanda ya Dar es Salaam VETA imetoa vifaa vya thamani ya sh.milioni 11 katika atamizi ya Osarika Woodwork ikiwa ni sehemu ya kuendeleza atamizi hiyo kwa ujuzi na kufundisha vijana wengine wanaoenda kufanya mafunzo ya vitendo.

Akizungumza leo wakati hafla ya kukabidhi vifaa katika atamizi ya Osarika Woodwork, Mkurugenzi wa Kanda ya Dar es Salaam wa VETA, Habib Bukko amesema kuwa vifaa hivyo walivyotoa kwa kikundi hicho kuongeza uzalishaji samani mbalimbali ikiwa ni pamoja kutoa mafunzo ya vitendo kwa wanafunzi wanaotoka Veta.

Amesema vijana wa Osarika ni zao la VETA ambao wameweza kuunda kukundi na kusajili hivyo wamekuwa wakifanya kazi katika mazingira lakini wameonyesha njia mpaka kuja kuongeza nguvu ya vifaa.

Bukko amesema vifaa hivyo ni mali kikundi cha Osarika wakivurugana vitu hivyo wanatakiwa kurudisha ili vikaweze kufanya kazi katika atamizi nyingine .

Aidha amesema kuwa VETA kuendeleza ni atamizi ni sehemu yao katika kuhakikisha atamizi zinaendelea katika kuzalisha ajira za vijana kutokana na mafunzo waliopata katika vyuo vya Ufundi.

Naye Mwakilishi wa Diwani wa Kata ya Tandika, Mwenyekiti wa Serikali Mtaa Mabatini ,Sharifu Jumbe amesema kuwa vijana wanatakiwa kujituma katika kufanya kazi na kuwataka wengine waende kupata mafunzo VETA.

 Mwenyekiti wa Serikali ya Mtaa wa Mabatini-Tandika  ambaye ni Mgeni rasmi, Sharif Jumbe akimkabidhi moja ya kifaa cha Kukatia Mbao na Alminium mwanaatamizi ya Orasika-Tandika, David Mshilili jijini Dar es Salaam leo. Kulia aliyevaa Koti ni Mkurugenzi wa Kanda ya Dar es Salaam, Habibu Bukko.
 Sehemu ya misaada ya iliyotolewa na chuo cha VETA kanda ya Dar es Salaam leo katika kikundi cha Atamizi ya Orasika iliyopo Tandika jijini Dar es Salaam kwaajili ya kuongeza nguvu kwa vijana ili kupunguza ongezeko la vijana wasio na ajira.
Mtafiti mwandamizi wa Soko la Ajira VETA, Peter Katabi akitambulisha viongozi mbalimbali wa chuo cha VETA kanda ya Dar es Salaam leo.
 Mwenyekiti wa Serikali ya Mtaa wa Mabatini-Tandika  ambaye ni Mgeni rasmi, Sharif Jumbe akizungumza katika hafla fupi ya kuwakabidhi wanakikundi cha Atamizi ya Osarika vifaa vya ufundi vyenye thamani ya shilingi Milioni 11 kutoka VETA jijini Dar es Salaam leo.
Fundi wa Atamizi ya Osarika kilichopo Mtaa wa Magulue-Tandika jijini Dar es Salaam,Salum Sese akizungumza kwa niaba ya wanakikundi cha atamizi ya Osarika jijini Dar es Salaam leo.

TFF YATUMA SALAMU ZA RAMBIRAMBI MSIBA WA JOSEPH SENGA



Rais wa Shirikisho la Mpira wa Miguu Tanzania (TFF), Jamal Malinzi amemtumia salamu za rambirambi Mwenyekiti wa Jukwaa la Wahariri (TEF), Theophil Makunga kutokana na kifo cha Joseph Senga – Mpigapicha Mkuu wa Gazeti la Tanzania Daima.

Rais Malinzi amepokea taarifa za kifo cha mwandishi huyo mwandamizi wa habari aliyebobea kuripoti habari za aina mbalimbali ikiwamo za michezo nchini kilichotokea jioni ya Julai 27, 2016 huko India, alikokuwa akipatiwa matibabu ambako habari za kifo chake zilianza kusambaa usiku wa kuamkia jana Julai 28, 2016 kabla ya kuthibitishwa na Mhariri Mtendaji wa Free Media, Neville Meena.

Salamu za rambirambi za Rais wa TFF Malinzi pia zimekwenda kwa familia ya marehemu Joseph Senga, ndugu, jamaa na marafiki na kuwataka kuwa na moyo wa subira wakati huu mgumu wa msiba wa mpendwa wao.

Malinzi alimwelezea Joseph Senga, wakati wa uhai wake alikuwa na mchango mkubwa katika tasnia ya habari za michezo akitoa mawazo yake hivyo ameacha alama ya ucheshi, kujituma na uwajibikaji katika kufanikisha kazi zake katika gazeti la Tanzania Daima na wakati fulani magazeti ya Kampuni ya New Habari House 2006.

Mwenyezi Mungu aipumzishe roho ya marehemu Joseph Senga mahala pema peponi.

Bwana alitoa, Bwana alitoa, jina la Bwana lihimidiwe.

JAJI MKUU AMSABAHI SPIKA WA BUNGE NYUMBANI KWAKE.


Jaji Mkuu wa Tanzania Mhe.Mohamed Chande Othman akisalimiana na Spika wa Bunge la Jamhuri ya Muungano wa Tanzania Mhe Job Ndugai alipofika kumsabai nyumbani kwake Jijini Dar es Salaam. Kulia ni Mke wa Spika Dkt Fatma Mganga. Spika amerejea nchini hivi karibuni kutoka nchini India ambapo alikwenda kwa ajili ya uchunguzi pamoja na matibabu ya Afya yake.
Spika wa Bunge Mhe Job Ndugai akizungumza na Jaji Mkuu wa Tanzania Mhe.Mohamed Chande Othman aliyefika kumsabai nyumbani kwake Jijini Dar es Salaam. Spika amerejea nchini hivi karibuni kutoka India ambapo alikwenda kwa ajili ya uchunguzi pamoja na matibabu ya Afya yake.
Spika wa Bunge Mhe Job Ndugai akifurahia jambo na Jaji Mkuu wa Tanzania Mhe.Mohamed Chande Othman aliyefika kumsabai nyumbani kwake Jijini Dar es Salaam. Spika amerejea nchini hivi karibuni kutoka India alipokwenda kwa ajili ya uchunguzi pamoja na matibabu ya Afya yake.(Picha na Ofisi ya Bunge).

MAKAMU WA RAIS, MHE. SAMIA SULUHU HASSAN ATEMBELEA TAASISI YA SARATANI YA OCEAN ROAD JIJINI DAR ES SALAAM


Makamu wa Rais, Mhe. Samia Suluhu Hassan akimjulia hali, Swalehe Mohamed (mwenye fulana nyeupe) aliyelazwa katika taasisi ya saratani ya Ocean Road Jijini Dar es Salaam wakati wa ziara yake aliyoifanya katika hospitali hiyo leo Ijumaa (Julai 29, 2016).
Makamu wa Rais, Mhe. Samia Suluhu Hassan akiwajulia hali, Said Mohamed (kushoto) na Balitiamo Damian waliolazwa katika taasisi ya saratani ya Ocean Road Jijini Dar es Salaam wakati wa ziara yake aliyoifanya katika hospitali hiyo leo Ijumaa (Julai 29, 2016).
Makamu wa Rais, Mhe. Samia Suluhu Hassan akiwajulia hali, Isaya Sanga (katikati) na Abasi Bushole waliolazwa katika taasisi ya saratani ya Ocean Road Jijini Dar es Salaam wakati wa ziara yake aliyoifanya katika hospitali hiyo leo Ijumaa (Julai 29, 2016). Kulia ni Mganga Mkuu wa Taasisi hiyo, Dkt. Damian Msemo.
Makamu wa Rais, Mhe. Samia Suluhu Hassan akizungumza na ndugu za wagongwa waliolalazwa katika Taasisi ya Saratani ya Ocean Road Jijini Dar es Salaam wakati wa ziara yake aliyoifanya katika hospitali hiyo leo Ijumaa (Julai 29, 2016).
Makamu wa Rais, Mhe. Samia Suluhu Hassan akimjulia hali mmoja wa wagonjwa waliolazwa katika taasisi ya saratani ya Ocean Road Jijini Dar es Salaam wakati wa ziara yake aliyoifanya katika hospitali hiyo leo Ijumaa (Julai 29, 2016).

MAHAKAMA KUU KANDA YA TANGA YATUPILIA MBALI SHAURI LA KUPINGA MATOKEO YA UCHAGUZI JIMBO LA PANGANI

MAHAKAMA Kuu Kanda ya Tanga jana imetupilia mbali shauri la kupinga matokeo ya Ubunge Jimbo la Pangani lililofunguliwa na aliyekuwa mgombea kupitia tiketi ya CUF Amina Mwindau dhidi ya Mbunge wa Jimbo hilo Jumaa Hamidu Aweso CCM na kuonekana hakuna vigezo vya kutengua matokeo hayo. 

Akizungumza wakati akitoa huduma ya Shauri hilo,Jaji Patricia Fikirini alisema mlalamikaji Amina Mwindau CUF ameonekana kushindwa katika shauri hilo dhidi ya mlalamikiwa Jumaa Aweso katika upingaji wa matokeo ya uchaguzi mkuu uliofanyika oct 25 mwaka jana. 

Alisema miongoni mwa malalamiko yalioambatanishwa kutoka kwa
mlalamikaji katika zoezi zima la kupinga matokeo hayo ni pamoja na kuwa mlalamikiwa ambae ni Jumaa Aweso katika kampeni zake alikiuka taratibu za uchaguzi,ubaguzi wa mgombea wa jinsia ya kike na kutumia lugha ya siziokuwa za kiungwana jambo ambalo mlalamikaji alidai lilimgharimu kupata matokeo mazuri katika uchaguzi huo. 

Alisema sambamba na vielelezo vilivyoletwa mahakamani hapo pamoja na ushahidi uliotolewa kwa upande wa mlalamikaji havikuwa na ushawishi wa kuweza kutengua matokeo ya uchaguzi huo. Jaji Fikirini alisema amezingatia hoja zote kutoka pande mbili na kujiridhisha Jumaa Aweso ambae ni mbunge hivi sasa kuwa ni mbunge aliyepita kihalali na hakukuwa na vigezo vya upingwaji wa matokeo aliyopata katika uchaguzi mkuu wa mwaka jana. 

Alisema haki zote za kisheria zipo wazi kwa pande zote mbili
mlalamikiwa na mlalamikaji ikiwa pamoja na kukata rufaa kwa maamuzi yaliyochukuliwa na Mahakam hiyo ikiwa kama kuna upande hauta ridhika na hukumu iliyotolewa.


Mbunge wa Jimbo la Pangani (CCM)Jumaa Aweso katika akipongezwa na wananchi wa Jimbo la Pangani mara baada ya kutangazwa na Mahakama Kuu Kanda ya Tanga kuwa mshindi halali katika Uchaguzi Mkuu uliofanyika Octoba mwaka jana mara baada ya kuonekana hakuna vigezo vya kutengua matokeo hayo katika kesi ya kupinga matokeo iliyofunguliwa na aliyekuwa mgombea wa CUF Amina Mwidau

Mbunge Aweso Jumaa akiwa amebebwa juu juu na wananchi wa Jimbo la Pangani mara baada ya kesi iliyofunguliwa dhidi ya mpinzania wake wa CUF Amina Mwidau ya kupinga matokeo ya uchaguzi kutupiliwa mbali na mahakama kuu kanda ya Tanga .

Mbunge wa Jimbo la Pangani (CCM)Jumaa Aweso wa pili kutoka kulia akiwa na Mbunge wa Jimbo la Korogwe Vijijini,Stephen Ngonyani "Proffesa Maji Marefu " wakiwa ndani ya Mahakama Kuu Kanda ya Tanga wakisuburia kuanzwa kwa kesi hiyo hata hivyo hukumu hiyo ilimpa ushindi halali Mbunge Aweso katika Uchaguzi Mkuu uliofanyika Octoba mwaka jana mara baada ya kuonekana hakuna vigezo vya kutengua matokeo hayo katika kesi ya kupinga matokeo iliyofunguliwa na aliyekuwa mgombea wa CUF Amina Mwidau
Kwa upande wake Wakili wa kujitegemea na mahakama kuu Warehema Kibaha alisema Jaji Patisia Fikirini amefanya maamuzi sahihi ya kutenda haki kwa mteja wake katika shauri hilo lililo dumu kwa takriban miezi 7. 

Ratiba ya Usaili Maisha Plus East Africa 2016

Baada ya Usaili kufanyika kwa kishindo katika mikoa ya Mtwara na Dar es salaam usaili wa Maisha Plus unaendelea katika mikoa mingine ndani ya Tanzania. 
30/07/2016 - MBEYA - Ukumbi wa City Pub 
31/07/2016 - IRINGA - Savanna Garden 
02/08/2016 - DODOMA - Matei Lounge 
04/08/2016 - MWANZA - Rock Garden 
06/08/2016 - ARUSHA - Via Via
 13/08/2016 - ZANZIBAR - Ngome Kongwe 


Vijana wote wenye umri wa miaka 18 - 26 wanakaribishwa kujitokeza kwa wingi. Elimu na ujuzi ni kiwango chochote. Zawadi kwa mshindi ni Tzshs. Milioni 30. Fomu zinapatikana BURE kabisa kupitia www.maishaplus.tv na katika maeneo tajwa hapo juu. 

 Maisha Plus East Africa 2016 | #VijanaNdioNgazi #HapaKaziTu
   
 Bofya hapa chini kuona video 33 fupi za usaili wa Maisha Plus Dar.

Marufuku kufanya kazi za mipangomiji bila kusajiliwa – TPRB

Na Jacquiline Mrisho – MAELEZO.

Bodi ya Usajili ya Wataalam wa Mipangomiji (TPRB) imewapiga marufuku wanaofanya kazi za Mipangomiji bila kusajiliwa ili kuondoa usumbufu na kupunguza udanganyifu kwa wananchi wanaohitaji huduma hiyo.

Onyo hilo limetolewa leo Jijini Dar es Salaam na Msajili wa Bodi hiyo, Helena Mtutwa katika taarifa yake aliyoitoa kwa vyombo vya habari kuhusu majukumu ya Bodi hiyo.

“Kwa mujibu wa kifungu cha 23(4) cha Sheria ya Usajili wa Wataalam wa Mipangomiji ya 2007 inasema kuwa ,ni kosa la jinai kufanya kazi hizi bila kusajiliwa kwa hiyo, nawashauri wafanyao shughuli hizo kuacha mara moja”, alisema Mtutwa.

Mtutwa amewataka wananchi wenye sifa zinazowawezesha kusajiliwa na TPRB wafike katika ofisi zao kwa ajili ya kusajiliwa ili kuepusha usumbufu utakaojitokeza kwao na kwa Bodi hiyo.

Aidha, Msajili huyo amesisitiza kuwa hatua kali za kisheria zitachukuliwa dhidi ya mwananchi yeyote atakayebainika kukiuka agizo hilo.

Bodi ya Usajili ya Wataalam wa Mipangomiji ni taasisi ya Serikali iliyoanzishwa chini ya Sheria namba 7 ya mwaka 2007 ambapo moja ya majukumu yake ni kusajili wataalam wa Mipangomiji na kusimamia maadili.

Wizara ya Mambo ya Nje na Ushirikiano wa Afrika Mashariki watekeleza agizo la Rais kwa kuchangia Madawati.

Waziri wa Mambo ya Nje na Ushirikiano wa Afrika Mashariki Mhe. Balozi Dkt. Augustine Mahiga (kushoto) akimkabidhi hundi Waziri Mkuu Mhe. Kassim Majaliwa wakati wa hafla ya makabidhiano madawati ikiwa ni fedha zilizochangwa na watumishi wa wizara hiyo ikiwa sehemu ya kutekeleza agizo la Rais Mhe. John Magufuli mapema hii leo katika shule ya Msingi Chamanzi iliyopo wilaya ya Temeke jijini Dar es Salaam . Picha na Beatrice Lyimo-MAELEZO

Na Beatrice Lyimo-MAELEZO

Watumishi wa Wizara ya Mambo ya Nje na Ushirikiano wa Afrika Mashariki wamechangia kiasi cha Tsh. Milioni 100 ikiwa ni sehemu ya kuhamasisha umma kuhusu zoezi la upatikanaji wa madawati katika shule za msingi na Sekondari nchini.

Akikabidhi mchango huo kwa Waziri Mkuu Mhe. Kassim Majaliwa kwa niaba ya watumishi wa wizara hiyo, Waziri wa Mambo ya Nje na Ushirikiano wa Afrika Mashariki Balozi  Augustine Mahiga amesema kuwa watumishi hao wametoa fedha hizo kwa shule ya msingi Chamazi ikiwa ni utekelezaji wa agizo la Rais la upatikanaji wa madawati katika shule za msingi na sekondari nchini.

Balozi Mahiga amesema Wizara yake iliwahamasisha watumishi wake walio makao makuu na wale walio kwenye balozi mbalimbali nje ya nchi kuchangia zoezi hilo la upatikanaji wa madawati.

“Ili kufanisha upatikanaji wa fedha hizi Wizara yangu iliwahamasisha watumishi wake wote walio Makao makuu na wale walio katika balozi zetu duniani kote,  wito huu uliitikiwa kwa ari na hamasa kubwa na kufanikisha kukusanya kiasi cha Shilingi 100,176,825.52 za kitanzania”alisisitiza Balozi Mahiga

Waziri Mahiga aliongeza kuwa mara baada ya kukusanya fedha hizo watumishi wa Wizara hiyo waliamua kumpatia aliyekuwa Mtumishi wa Wizara ambaye sasa ameteuliwa kuwa Mkuu wa Wilaya ya Manyoni kiasi cha shilingi Milioni 15 kwa ajili ya ununuzi wa madawati katika Wilaya yake.

Aidha, amesema kiasi fedha zilizobaki zaidi ya shilingi milioni 85 zilikabidhiwa kwa Waziri Mkuu wa Tanzania, Mhe Kassim Majaliwa  kwa ajili ya mchango wa utengenezaji wa madawati ya shule ya Msingi Chamazi iliyoko Wilaya ya Temeke Jijini Dar es Salaam.

Waziri Mahiga aliongeza kuwa mbali na wizara yake kuwa na majukumu mbalimbali bado inalo jukumu la kuhakikisha inaitangaza Tanzania ili kuvutia wawekezaji na kukuza uchumi wa nchi, na kuongeza kuwa elimu bora ni msingi imara katika kufanikisha hilo.

MBUNGE MWAMOTO NA RC IRINGA HATMAYE WAPOKEA MADAWATI YA MFUKO WA JIMBO LA KILOLO


Mbunge wa Kilolo Bw Venance Mwamoto akikabidhiwa madawati leo la Bi Malidadi kwa niaba ya mkurugenzi wa Kilolo ,madawati hayo yametengenezwa kwa mfuko wa jimbo la Kilolo kwa kiasi cha Tsh milioni 30 awali madawati hayo yalikataliwa kutokana na kutengenezwa chini ya kiwango ila sasa yametengenezwa kwa kiwango
Dc Kilolo Asia Abdalah na timu ya wataalam wakijiridhisha na ubora wa madawati hayo ambayo sasa yapo safi
Mbunge Mwamoto akifurahia ubora wa madawati ya mfuko wa jimbo la Kilolo
Na MatukiodaimaBlog

MADAWATI 745 ambayo yalitengenezwa na mfuko wa jimbo la Kilolo kwa gharama ya Tsh milioni 30 zilizotolewa na mbunge wa jimbo hilo Venance Mwamoto ambayo yalikataliwa na mbunge huyo na mkuu wa mkoa wa Iringa Amina Masenza yamekamilika kutengenezwa kwa ubora .

Akizungumza baada ya kukabidhiwa madawati hayo leo mbunge Mwamoto alisema kuwa amekubali kupokea madawati hayo baada ya kufurahishwa na ubora wake na hivyo imani yake kuona walimu wanasimamia utunzaji wa madawati hayo ili kuondokana na kero tena ya madawati katika shule zote za wilaya ya Kilolo.

Mbunge Mwamoto alisema kuwa kufuatia uhaba wa madawati uliyokuwa ukiikumba wilaya ya Kilolo na kama sehemu ya utekelezaji wa agizo la Rais Dr John Magufuli alilazimika kuidhinisha pesa kiasi cha Tsh milioni 30 kutoka mfuko wa jimbo la Kilolo ili kuweza kusaidia utengenezaji wa madawati 300 japo Halmashauri ya Kilolo kupitia wadau wake wa ndani na makusanyo ya ndani waliweza kuongeza kiasi cha Tsh milioni 19 na kufanya kuwepo kwa kiasi cha pesa cha Tsh milioni 49 ambazo zilifanikisha kutengeneza madawati zaidi ya 1000 .

Alisema kuwa pamoja na kazi nzuri iliyofanywa na Halmashauri hiyo katika kushughulikia kero ya madawati katika wilaya hiyo ya Kilolo ila mafundi ambao walipewa kazi ya kutengeneza madawati hayo hawakuwa wazuri kutokana na kushindwa kuifanya kazi hiyo kwa ubora uliotakiwa hivyo kupelekea kufanya kazi hiyo kwa kiwango cha chini zaidi.

"Nililazimika kukataa madawati 40 ambayo yalipelekwa shule ya Msingi Nyanzwa na Igunda baada ya kuyaona hayana ubora na wananchi kulalamika kuwa ni mabovu ukilinganisha na madawati ambayo yalitengenezwa kwa nguvu ya wananchi katika vijiji hivyo ......hivyo sikuwa tayari kupokea madawati hayo hali iliyopelekea mkuu wa mkoa wa Iringa kufika kuona madawati hayo na kulazimika kuyakataa madawati yote 745 kwa kutaka yatengenezwe kwa ubora"

Mwamoto alisema kuwa amefurahishwa na usimamizi mzuri wa mkuu wa wilaya ya Kilolo na timu yake ya mkurugenzi wa wataalam wengine ambao wameweza kuifanya kazi hiyo ya kusimamia ubora kwa muda mfupi wa wiki tatu kinyume na muda ule wa mwezi mmoja uliotolewa na mkuu wa mkoa wa Iringa .

Hata hivyo Mwamoto alisema kuwa yawezekana wapo watendaji ambao walimchukia kwa yeye kukataa madawati hayo ila ukweli alifanya hivyo kusaidia watoto wa wana Kilolo kutoendelea kukaa chini na kuwa iwapo madawati hayo yangepelekwa shuleni bado wananchi wangebeba dhamana ya kuendelea kuchangishana kwa ajili ya kuchonga madawati.

Kwa upande wake mkuu wa wilaya ya Kilolo Asia Abdalah alisema kuwa baada ya mkuu wa mkoa wa Iringa kumpa agizo la kusimamia zoezi hilo ndani ya mwezi mmoja alilazimika kuifanya kazi hiyo kwa haraka zaidi ndani ya wiki tatu ili kuona wanafunzi wote wanakaa kwenye madawati .

Alisema kuwa timu ya wakuu wa idaraka katika wilaya ya Kilolo wameonyesha ushirikiano mkubwa katika kutekeleza agizo hilo na kuwa baadhi yao walikuwa wanalala kwenye karakana zilizopewa kazi ya kutengeneza madawati hayo mapema kabla ya muda waliopewa na mkuu wa mkoa wa Iringa .

Wakati mkuu wa mkoa wa Iringa Bi Masenza pamoja na kumpongeza mkuu wa wilaya ya Kilolo na timu yake kwa kutekeleza zoezi la usimamiaji wa ubora wa madawati hayo bado alimpongeza mbunge wa Kilolo Bw Mwamoto kwa kubaini suala hilo huku akiwataka walimu katika shule zote kuhakikisha wanatunza madawati hayo ili kuondokana na adha ya kuchangia madawati mara kwa mara .

 Nimeridhishwa na ubora wa madawati hayo na yale machache ambayo yalipelekwa mashuleni wanaendelea kuyarekebisha ili yaweze kufanana na haya ambayo kweli yapo katika ubora mzuri "

BABATI WATAKIWA KUJIUNG ANA CHF ILIYOBORESHWA

MKUU wa Mkoa wa Manyara, Dk Joel Bendera amesema atawachukulia hatua kali viongozi wa ngazi ya Vijiji, Kata, na Tarafa za Wilaya ya Babati, watakaozembea zoezi la kuhamasisha kaya zijiunga na mfuko wa afya ya jamii ulioboreshwa (ICHF).

Dk Bendera aliyasema hayo mbele ya mkuu wa Wilaya hiyo Raymond Mushi, Mkurugenzi mtendaji wa halmashauri ya wilaya hiyo Hamis Malinga, wakati akizungumza na wananchi wa Tarafa ya Goroa, alipotembelea kuhamasisha kaya kujiunga na mfuko huo.

Hata hivyo, amewaagiza viongozi hao kuhakikisha hadi mwezi Desemba mwaka huu kaya 40,642 zinajiunga na mfuko wa afya ya jamii ulioboreshwa (CHF) hivyo kufikia asilimia 50 ya kaya zilizopo kwenye wilaya hiyo. Mkuu huyo wa mkoa alisema kuwa halmashauri ya wilaya hiyo ya Babati ina kaya 81,284 hivyo viongozi wa wilaya hiyo wahakikishe hadi mwezi Desemba wawe wamefanikisha nusu ya kaya zijiunge na mfuko huo.

“Suala la kupatiwa matibabu pindi mtu akiugua halina mjadala hivyo viongozi wa ngazi tofauti kwenye wilaya hii ya Babati, wanapaswa kufuatilia ili kaya hizo zijiunge na mfuko huo ambao una manufaa kwao,” alisema Dk Bendera. Alisema viongozi wote wa eneo hilo wanapaswa kuhakikisha jamii inajiunga na mfuko huo kwani ni ukombozi wao kwenye sekta ya afya na siku wakistaafu wananchi watawakumbuka kwa kusababisha mabadiliko ya huduma hizo.


Mkuu wa Mkoa wa Manyara, Dk Joel Bendera akizungumza na wananchi wa Tarafa ya Goroa Wilayani Babati, juu ya kaya zao kujiunga na mfuko wa afya ya jamii iliyoboreshwa (CHF).

Mkuu wa Mkoa wa Manyara, Dk Joel Bendera akizungumza na wananchi wa Tarafa ya Goroa Wilayani Babati, juu ya kaya zao kujiunga na mfuko wa afya ya jamii iliyoboreshwa (CHF).

Wananchi wa Kata ya Duru Tarafa ya Goroa Wilaya ya Babati Mkoani Manyara, wakimsikilimza Mkuu wa Mkoa huo Dk Joel Bendera wakati wakiwaeleza umuhimu wa kujiunga na mfuko wa afya ya jamii iliyoboreshwa.

Airtel yakabidhi vifaa vya michezo vya thamani ya Milioni 200 kwa maendeleo ya soka la vijana

Meneja Uhusiano wa Airtel Tanzania Jackson Mmbando akikabidhi vifaa vya michezo kwa katibu mkuu wa shirikisho la soka nchini (TFF) Selestine Mwesigwa tayari kwa msimu wa sita wa Airtel Rising Stars unaotarajiwa kuanza Jumamosi Julai 30.
Katibu mkuu wa shirikisho la soka nchini (TFF) Selestine Mwesigwa akikabidhi vifaa vya michezo kwa katibu wa chama cha soka cha Ilala Daud Kanuti tayari kwa msimu wa sita wa Airtel Rising Stars unaotarajiwa kuanza Jumamosi Julai 30.
Katibu mkuu wa shirikisho la soka nchini (TFF) Selestine Mwesigwa akikabidhi vifaa vya michezo kwa katibu wa chama cha soka cha Kinondoni Isack Mazwile tayari kwa msimu wa sita wa Airtel Rising Stars unaotarajiwa kuanza Jumamosi Julai 30.

MAKAMU WA RAIS AMJULIA HALI SPIKA WA BUNGE LA JAMHURI YA MUUNGANO


Makamu wa Rais wa Jamhuri ya Muungano wa Tanzania Mhe. Samia Suluhu Hassan akisalimiana na Spika wa Bunge la Jamhuri ya Muungano wa Tanzania Mhe Job Ndugai alipofika kumsabai nyumbani kwake Jijini Dar es Salaam. Spika amerejea nchini hivi karibuni kutoka nchini India ambapo alikwenda kwa ajilia ya uchunguzi pamoja na matibabu ya Afya yake.
Makamu wa Rais wa Jamhuri ya Muungano wa Tanzania Mhe. Samia Suluhu Hassan akizungumza na Bunge la Jamhuri ya Muungano wa Tanzania Mhe Job Ndugai pamoja na Mke wa Spika Dkt. Fatma Mganga (kulia) alipofika kumsabai nyumbani kwake Jijini Dar es Salaam. Spika amerejea nchini hivi karibuni kutoka nchini India ambapo alikwenda kwa ajili ya uchunguzi pamoja na matibabu ya Afya yake.
(Picha na Ofisi ya Bunge)

Serikali yazitaka familia zenye uwezo kutokwepa jukumu la kulea wazee na watu wenye ulemavu.


Katibu Mkuu Wizara ya Afya, Maendeleo ya Jamii, Jinsia, Wazee na Watoto Bi. Sihaba Nkinga akimkabidhi moja ya Mzee katika kambi ya wazee ya Sukamahela boksi la sabuni kwa niaba ya wazee katika kituo hicho chenye jumla ya wazee 67.
Viongozi wa Kambi ya kulea Wazee ya Sokamahela wakimuonesha Katibu Mkuu Wizara ya Afya, Maendeleo ya Jamii, Jinsia, Wazee na Watoto Bi. Sihaba Nkinga baadhi ya nyumba wazazoishi wazee ambapo sehemu ya nyumba hizo zipo kwenye hali mbaya za kuhitaji marekebisho.




Katibu Mkuu Wizara ya Afya, Maendeleo ya Jamii, Jinsia, Wazee na Watoto Bi. Sihaba Nkinga akisalimiana na Bi. Theresia Msiwa anayeishi katika kambi ya kulea wazee ya SukaMahela iliyopo Wilayani Manyoni Mkoani Singida
Baadhi ya Wazee wanaoishi katika kambi ya Sukamahela iliyopo Wilayani Manyoni Mkoani Singida.

 
Nafasi Ya Matangazo