Maonesho Nane Nane yasiwe nguvu ya soda- Dkt.Mwanjelwa - JIACHIE

JIACHIE

Karibuni Jamvini Wanajamii

Tangaza Hapa

Post Top Ad

Maonesho Nane Nane yasiwe nguvu ya soda- Dkt.Mwanjelwa

Share This
Na George Binagi-GB Pazzo, BMG
Naibu Waziri wa Kilimo Mhe.Dkt.Mary Mwanjelwa jana Oktoba 04, 2018 amefungua rasmi maonesho ya kilimo na sherehe za wakulima Nane Nane Kanda ya Ziwa Magharibi yanayofanyika katika uwanja wa Nyamhongolo Jijini Mwanza.

“…Maonesho haya ya Nane Nane ambayo ndiyo ya msingi sana, yasiwe tu kama ni maonesho ya nguvu ya soda, tunataka tuone matokeo chanya kwa wakulima wetu. Na kwa maana hiyo ifike mahala basi tuwe na maonesho ya kimataifa…”. Alisisitiza Dkt.Mwanjelwa.

Mwenyekiti wa kamati ya maandalizi ya maonesho hayo, Mathao Masele alisema yalianza Oktoba Mosi na yatafikia tamati Agosti 08, 2018 ambapo hadi sasa kuna zaidi ya washiriki 300 kutoka taasisi na makampuni mbalimbali.

Hii ni mara ya kwanza maonesho ya Kanda ya Ziwa Magharibi yanayoshirikisha mikoa ya Mwanza, Geita na Kagera kufanyika baada ya serikali kugawa mikoa ya Kanda ya Ziwa katika kanda mbili kwa ajili ya kushiriki maonesho ya Nane Nane. Kanda nyingine ni Kanda ya Ziwa Mashariki inayoshirikisha mikoa ya Mara, Simiyu na Shinyanga.
Mkuu wa Wilaya Ilemela, Mhe.Dkt. Severine Lalika akizungumza kwenye maonesho hayo kwa niaba ya Mkuu wa Mkoa Mwanza Mhe.John Mongella
Mwenyekiti Kamati ya Maandalizi ya Maonesho ya Nane Nane Kanda ya Ziwa Magharibi, Mathayo Masele akitoa taarifa ya maonesho hayo
Kaimu Katibu Tawala mkoani Mwanza, Mhandisi Warioba Sanya akitoa salamu zake kwenye maonesho hayo
Naibu Waziri wa Kilimo Mhe.Dkt.Mary Mwanjelwa akijionea kikundi cha ngoma cha Bujora wakati kikitumbuiza kwenye maonesho hayo
Naibu Waziri wa Kilimo Mhe.Dkt.Mary Mwanjelwa akipokea maelezo kuhusu zao la mpunga kutoka kwa Dkt.Rashid Lussewa (kushoto) ambaye ni mtafiti wa zao hilo Kanda ya Ziwa, Chuo cha Kilimo Ukiriguru
Naibu Waziri wa Kilimo Mhe.Dkt.Mary Mwanjelwa alitoa rai kwa wataalam kutoka taasisi ya kilimo Ukiriguru pamoja na Bodi ya Pamba kuhakikisha wanatoa elimu kwa wakulima kuhusu namna bora ya kupambana na wadudu waharibifu wa zao la pamba kwani wakulima wengi wamepata hasara kutokana na wadudu hao

No comments:

Post a Comment

Post Bottom Ad