728x90 AdSpace

  • Habari za hivi Punde

    Saturday, July 8, 2017

    WANAKIJIJI WAFUNGA BARABARA NA KUZUIA MSAFARA WA MBUNGE WA BUKOMBE KWA NDOO ZA MAJI

    Ndoo za maji zikiwa zimepangwa barabarani na wananchi wa Kijiji cha Magorofani Kata ya Igulwa Wilaya ya Bukombe Mkoani Geita kwa lengo la kumuonesha Mbunge wa jimbo hilo Doto Mashaka Biteko kisima ambacho kimekuwa Hakitoi maji kwa muda mrefu na adha ambazo wamekuwa wakikutana nazo kutokana na ukosefu wa maji Kijijini hapo.
    Wananchi wa Kijiji cha Magorofani wakiwa wamebeba ndoo wakizitoa Barabarani baada ya Mbunge kushuka kwenye gari na kuwasikiliza madai yao ya uhaba wa maji.
    Mbenge wa Bukombe Doto Biteko pamoja na viongozi wa Kata ya Igulwa akiwemo Diwani wa Kata hiyo,Richard Mabenga wakielekea kwenye eneo la kisima ambacho kimelalamikiwa na wananchi kutokutoa maji kwa muda Mrefu.
    Kisima ambacho kimelalamikiwa na wananchi ambacho kimekuwa akitoi maji .
    Mheshimiwa ,Doto Biteko akipatiwa maelezo na moja kati ya wananchi ambao wapo kijijini hapo juu ya kisima ambacho kimekuwa akitoi maji.
    Diwani wa Kata ya Igulwa Richard Mabenga akielezea jitihada ambazo zinaendelea kufanyika juu ya tatizo la maji kwenye kata hiyo,
    Mhandisi wa Maji Wilayani Bukombe Aaron Swai akielezea Jitihada ambazo zinaendelea za kumaliza au kupunguza tatizo la maji kwenye kata Hiyo.
    Mbunge wa Bukombe ,Doto Biteko akiwa amemsimamisha Mhandisi wa Maji kuelezea jitihada za kusambaza maji kwenye maeneo ambayo bado yanachangamoto ya maji.
    Mheshimiwa Doto Biteko akizungumza na wananchi wa Kijiji cha magorofani kwenye mkutano wa uzinduzi wa barabara.(PICHA NA JOEL MADUKA WA MADUKA ONLINE0)


    Wanakijiji wa kijiji cha Magorofani Kata ya Igulwa Wilayani Bukombe Mkoani Geita ,wamelazimika kufunga barabara kwa kutumia Ndoo za kuchotea maji wakati wa ziara ya Mbunge wa Jimbo Hilo,Mh Dotto Biteko kwa madai ya kuwa na changamoto ya ukosekanaji wa maji kwa muda mrefu.

    Mh,Dotto ambaye alikuwa kwenye moja kati ya shughuli za kukagua na kujionea ujenzi wa barabara pamoja na kufungua kijijini hapo amekutana na kundi la wanawake pamoja na watoto wakiwa wamefunga barabara na wakiomba kutatuliwa adha hiyo ambayo imekuwa ikiwasumbua ya kukosekana kwa maji.

    Wakizungumza kwa Nyakati tofauti na mtandao wa Madukaonline baadhi ya wananchi wa kijiji hicho,Faines James,Mirembe Ngussa na Happynes Hai,wameelezea kuwa wamekuwa na shida ya maji kwa muda mrefu na kwamba kilichimbwa kisima lakini nacho hakitoi maji hivyo uamuzi wa kuweka ndoo kwenye barabara walitaka kumuonesha mbunge wao namna ambavyo wamekuwa wakipata shida ya maji.

    Aidha kwa Upande wake Diwani wa Kata Hiyo ,Richard Mabenga amekiri kuwepo kwa tatizo la maji na kwamba hadi sasa kuna visima vitatu tu ambavyo vinahudumia kata nzima na watu ambao wanategemea visima hivyo ni wakazi elfu kumi na tisa mianane (19800).

    Kutokana na tatizo Hilo ambalo wananchi wameliwakilisha kwa Mbunge wao,Mhandisi wa Mji wilayani hapo Aaron Swai ,amesema kuwa serikali kwenye bajeti yake ya mwaka 2017/18 imepanga kujenga mtandao wa maji safi na salama kwenye kata hiyo ambao utahudumia watu zaidi ya elfu kumi na nane na kwamba watu zaidi ya asilimia 81 watakuwa wanapata maji safi na salama.

    Hivyo kutokana na hali hiyo Mbunge Dotto Biteko amewahakikishia wananchi kuwa kwa sasa wana miradi kumi ya maji na kwamba moja kati ya kata ambayo imetengewa fedha
    nyingi za kujenga mradi wa maji ni pamoja na kata hiyo na kwamba watahakikisha
    wanaleta maji kwenye kata hiyo na kwamba mwisho wa mwezi huu mkandarasi atakuwepo kwenye kata hiyo.

    Kata ya Igulwa inawakazi zaidi ya elfu 22,000 na ambao wanapata maji safi na salama ni aslimia kumi tu ambayo ni sawa na wananchi 2,000.
    • Blogger Comments
    • Facebook Comments

    0 comments:

    Post a Comment

    Item Reviewed: WANAKIJIJI WAFUNGA BARABARA NA KUZUIA MSAFARA WA MBUNGE WA BUKOMBE KWA NDOO ZA MAJI Rating: 5 Reviewed By: Ahmad Michuzi
    Scroll to Top