728x90 AdSpace






  • Habari za hivi Punde

    Friday, May 26, 2017

    DC WA SIMANJIRO AWAASA WANANCHI WA KIJIJI CHA LOSOITO KUITUNZA NA KUTOHUJUMU MIUNDOMBINU YA MAJI

    Mkuu wa Wilaya ya Simanjiro Mkoani Manyara, mhandisi Zephania Ubwani
    akizungumza na wananchi wa kijiji cha Losoito juu ya utunzaji wa
    miundombinu ya maji na maendeleo mengine.

    Mkuu wa Wilaya ya Simanjiro Mkoani Manyara, mhandisi Zephania Chaula
    amewataka wananchi wa Kijiji cha Losoito ,kuitunza na kutohujumu
    miundombinu ya maji yaliyowezeshwa na kampuni ya TanzaniteOne.

    Mhandisi Chaula aliyasema hayo juzi alipofanya ziara ya siku moja
    kwenye kijiji hicho mara baada ya kupatiwa taarifa kuwa kuna baadhi ya
    watu wameharibu miundombinu hiyo kwa kukata mabomba.

    Alisema miundombinu hiyo imewezeshwa kwa pamoja na kampuni ya
    TanzaniteOne na Serikali kwani wanamiliki mgodi huo kwa asilimia 50
    kwa 50 hivyo jamii inapaswa kuyatunza kuyathamini na kuyalinda maji.

    Alisema atamchukulia hatua mtu yeyote atakayekamatwa akiharibu
    miundombinu ya maji kwani wananchi wa eneo hilo kwa muda mrefu
    waliteseka kufuata huduma hiyo umbali mrefu hadi Mirerani.

    “Nimeambiwa awali kuna mama alishajifungua njiani wakati akifuata maji
    na baba wa kimasai akakata kitovu cha mtoto kwa kutumia sime kasha leo
    mtu anaharibu miundombinu hii,” alisema mhandisi Chaula.

    Mkazi wa Kijiji hicho, Magdalena Peter alisema anashukuru kampuni ya
    TanzaniteOne kwa kuwezesha mradi huo wa maji ila bado kuna changamoto
    ya upatikanaji kwani wanayapata mara mbili kwa wiki.

    “Awali tulikuwa tunapata maji hayo kwa wakati fofauti na tulivyokuwa
    tunatembea kilomita 40 hadi Mirerani ila hivi sasa tunawakati mgumu
    baada ya tenki hilo kupasuka,” alisema Peter.

    Ofisa mahusiano wa kampuni ya TanzaniteOne, Halfan Hayeshi alisema
    anaomba apewe muda wa wiki mbili ili ahakikishe anafanyia matengenezo
    sehemu za miundombinu iliyoharibika eneo hilo.

    “Nitakuja na mafundi wiki ijayo ili waangalie na kuikarabati
    miundombinu hiyo na pia tutanunua tenki lenye ujazo wa lita 10,000
    tofauti na hili la lita 5,000 linalotumika hivi sasa,” alisema
    Hayeshi.

    • Blogger Comments
    • Facebook Comments

    0 comments:

    Post a Comment

    Item Reviewed: DC WA SIMANJIRO AWAASA WANANCHI WA KIJIJI CHA LOSOITO KUITUNZA NA KUTOHUJUMU MIUNDOMBINU YA MAJI Rating: 5 Reviewed By: Ahmad Michuzi
    Scroll to Top