728x90 AdSpace

  • Habari za hivi Punde

    Saturday, March 11, 2017

    CCM ipo kamili kuanza kwa mikutano yake maalum mjini Dodoma


    Chama cha Mapinduz (CCM) kimeelezea kuwa kamili katika kuelekea kwenye  mkutano wake maalum hapo keshokutwa Machi 12 mwaka huu mjini Dodoma.

    Tayari  maeneo mbalimbali ya mji wa Dodoma  umeanza kupepea bendera za Chama hicho cha Mapinduzi huku shamrashamra za hapa na pale zikitarajia kunoga zaidi kuanzia leo Machi 11 na siku ya mkutano wenyewe.

     Kwa sasa mji wa Dodoma umekuwa na pilikapilika za hapa na pale huku Ulinzi na usalama ukiwa umeimarishwa na wa hali ya juu hasa ikizingatiwa kuna ugeni mkubwa ikiwemo wa wajumbe kutoka kila kona ya nchi nzima  na viongozi wa nchi.

    Awali akizungumza  katika makao makuu ya CCM Mjini hapa,  Katibu wa Itikadi na Uenezi wa Halmashauri Kuu ya CCM, Humphrey Polepole  amesema  maandalizi yote yamekamilika  na tayari wajumbe wamefika na wanaendelea kufika huku vikao maalum vikiendelea kufanyika ni vile vya ndani

    “Maandalizi yote yamekamilika ya mkutano wetu wa hapa Dodoma. Kwa sasa CCM imeanza safari madhubuti na kuongeza tija katika kuisimamia serikali katika ushahuri na maelekezo. Mkutano huu unakuja kuweka uhalali na kuja kusimika mageuzi haya rasmi kikatiba. Mkutano huu utakuwa rasmi kama chama cha Wanachama na kitashughulika na shida za wanachama na umma wa watanzania.” Ameeleza Polepole.

    Humphrey Polepole ameweka wazi kuwa,  licha ya kuwa, halmashauri kuu ina uwezo wa kupitisha mabadiliko  hata hivyo wao kupitia Mwenyekiti (Rais John Magufuli) Wameamua kuitisha mkutano wa dharura ili kupitisha mabadiliko hayo.Polepole amesema mabadiliko yatasaidia kufanya mageuzi makubwa na chama kurejea kwa wananchi wote na katika misingi imara 

    Aidha, mikutano ya awali  inatarajia kuanza mapema ikiwemo ule wa Kamati Kuu ya CCM uliotarajia kufanyika jana Machi 10 huku ule wa Halmashauri Kuu ukitarajia kufanyika leo Machi 11 na mwisho mkutano huo wa Machi 12.

    Kwa uzoefu wa mikutano hiyo mikuu ya  Kichama hasa ya CCM, inapofanyika mjini hapa, pamekuwa na wingi wa watu huku nyumba za wageni karibu zote zinakuwa zimejaa, Hali kwa mkutano huu huenda ikawa na changamoto kwani kwa sasa tayari baadhi ya watumishi wa Serikali hasa baadhi ya Wizara kuhamia Dodoma kama Makao makuu ya nchi,

    karibu nyumba nyingi za wageni wamekuwa wakizikodisha hivyo kwa muingiliano wa mkutano huu changamoto hiyo inaweza kuwa maradufu kwa muda hasa kwa kipindi hiki cha mkutano.
    Na Andrew Chale-Dodoma
    • Blogger Comments
    • Facebook Comments

    0 comments:

    Post a Comment

    Item Reviewed: CCM ipo kamili kuanza kwa mikutano yake maalum mjini Dodoma Rating: 5 Reviewed By: Ahmad Michuzi
    Scroll to Top