728x90 AdSpace

  • Habari za hivi Punde

    Friday, October 7, 2016

    RC MAKONDA ATOA MILIONI 10 KWA ALIYETOBOLEWA MACHO LEO JIJINI DAR


     Mkuu wa Mkoa wa Dar es Salaam , Paul Makonda akimfariji Said Ally, ambaye ametobolewa macho mara baada ya kumaliza mazungumzo na waandish wa Habari
    Mkuu wa Mkoa wa Dar es Salaam , Paul Makonda akipewa mkono wa shukurani na Said Ally, ambaye ametobolewa macho hivi karibuni na mtuhumiwa ambaye tayari amekwishakamatwa,picha kati  Mkewe Zara Sudi mara baada ya kumaliza mazungumzo na waandish wa Habari

    Na Humphrey Shao, Blog ya Jamii

    Siku chache mara baada ya kukamatwa kwa mtuhumiwa wa koasa la kumtoboa macho ndugu Said Ally wa Buguruni kwa Mnyamani mkuu wa mkoa wa Dar es Salaam , Paul Makonda ameamua kuendelea kumsaidia kijana huyo katika hatua zake zote za matibabu na mtaji wa Shilingi Milioni kumi.

    Akizungumza na waandishi wa habari jijini Dar es Salaam leo mara baada ya kijana huyo kufika katika ofis za mkoa , Makonda alisema kuwa mara baada ya kufanyika uchunguzi na madaktari Bingwa wa Muhimbili imeonekana kuwa bado Said hataweza kupata nafasi ya kuona,hivyo anahitaji matibabu ya ziada.

    “Serikali ya mkoa imetoa gari ambayo atatumia kwa kipindi chote akiwa anaenda kupatiwa matibabu na shughuli zingine ambazo atakuwa anafanya mpaka hapo atakapokuwa sawa”alisema Makonda.

    Kwa upande Ndugu Said Ally amesema kuwa anawashukuru madaktari kwa juhudi zote walizofanya na shukrani kubwa sana ziende kwa Gea Habibu wa Clouds Media na Mkuu wa mkoa wa Dar es Salaam kwa moyo wake aliounyesha kwa kujitoa kwa hali na mali.

    “Kiukweli nimeona Mungu akiwa katika upande wangu kwa msaada ninaondelea kupata kutoka kwa mkuu wa Mkoa na watu wa Clouds na madakatari naomba mungu aweze kuwapa maisha marefu” alisema Said.

    Makonda alimaliza kwa kusema kuwa Serikali ya mkoa inandaa utaratibu kwa ajili ya watu wengine ambao wanahitaji kujitolea kumsaidia Said hivyo jumatatu atatangaza rasmi.
    • Blogger Comments
    • Facebook Comments

    0 comments:

    Post a Comment

    Item Reviewed: RC MAKONDA ATOA MILIONI 10 KWA ALIYETOBOLEWA MACHO LEO JIJINI DAR Rating: 5 Reviewed By: Ahmad Michuzi
    Scroll to Top