728x90 AdSpace

  • Habari za hivi Punde

    Monday, October 10, 2016

    BENKI YA KCB TANZANIA YAZINDUA KAMPENI YA KUTOA HUDUMA ZA KIBENKI BILA FOLENI

     Mkuu wa Masoko na Mawasiliano ya Umma, Christine Manyenye (kushoto) akizungumza na waandishi wa habari (hawamo pichani) kuhusiana na kampeni ya JIULIZE KWANINI. Pamoja nae ni Kaimu Mkurugenzi Mtendaji, Barry Chale (Katikati) na Mkuu wa uendeshaji na teknohama Rojas Mdoe (kushoto).
     Mkuu wa Masoko na Mawasiliano ya Umma, Christine Manyenye (Kulia) na Kaimu Mkurugenzi Mtendaji, Barry Chale (Kushoto) wakizungumza na waandishi wa habari (hawamo pichani) kuhusiana na kampeni ya JIULIZE KWANINI.
    Kaimu Mkurugenzi Mtendaji, Barry Chale (Kulia) akizungumza na waandishi wa habari (hawapo pichani) kuhusiana na kampeni ya JIULIZE KWANINI. Pamoja nae ni Mkuu wa Masoko na Mawasiliano ya Umma, Christine Manyenye (Katikati) na Mkuu wa rasilimali watu Joyce Wiki Mwashigadi.
     Baadhi ya waandishi wa habari wakifuatilia yaliyokuwa yakizungumzwa kwenye uzinduzi wa kampeni ya JIULIZE KWANINI,jijini Dar.
     

    Benki ya KCB Tanzania imezindua kampeni ya kutoa huduma za kibenki zisizo na foleni wala usumbufu inayoitwa JIULIZE KWANINI. Kampeni hii itawapatia wateja huduma za kibenki popote pale walipo kupitia simu za mkononi (mobile banking), mtandao wa intaneti (Internet banking) kadi za visa na huduma za kutuma na kupokea pesa papo kwa hapo sehemu yoyote Afrika Mashariki. Hii ni kuwawezesha watanzania kutumia muda wao mwingi kwenye shughuli za kujiletea maendeleo kwa kuwapunguzia foleni na usumbufu wa kwenda benki.

    “Tunaelewa kuwa shughuli za kutafuta kipato huwapeleka watanzania sehemu mbali mbali na hivyo huhitaji kupata huduma za kibenki pale walipo na kwa haraka. JIULIZE KWANINI Uhangaike kwenda mpaka benki kupata huduma hizi?” alisema Christine Manyenye, Mkuu wa Masoko na Mawasiliano ya Umma wa benki ya KCB.

    Pia Bi. Manyenye alisema kuwa kwa sasa ni benki ya KCB pekee inayotoa huduma za malipo ya papo kwa hapo kwenda popote Tanzania,Rwanda, Uganda, Burundi, Kenya, na Sudani ya Kusini. Na kwa hivyo wafanyabiashara wanaweza kununua, kulipia au kuuza bidhaa za biashara zao papo hapo. Na hivyo kuongeza maradufu mzunguko wa biashara katika ukanda wa Afrika Mashariki.

    “Wateja wetu wanapaswa kupata huduma za kibenki kwa haraka, usalama na bila usumbufu” alisema Bi. Manyenye. “Na hivyo tunasema JIULIZE KWANINI uendelee kuhatarisha maisha kwa kubeba pesa nyingi au kulipa kwa fedha taslimu wakati wanaweza kutumia kadi za KCB visa. Hizi huwezesha mtumiaji kutoa pesa kwenye ATM popote pale duniani, kununua vitu mtandaoni na kulipia kwenye maduka na migahawa popote duniani”.

    Bi Manyenye aliendelea kwa kusema kuwa mobile banking na Internet Banking ya benki ya KCB inawawezesha watanzania kufanya malipo wakiwa manyumbani kwao, maofisini au hata safarini bila usumbufu wa kuhitaji kwenda benki. “JIULIZE KWANINI usimame muda mrefu kwenye foleni ya benki au vituo vya kulipia mahitaji yako kama luku, ving’amuzi vya televisheni au huduma za maji wakati ukiwa na mobile banking na Internet Banking ya benki ya KCB unaweza kufanya hayo yote popote pale utakapokuwa?” .

    Akamalizia kwa kuwataka wananchi ambao bado hawajajiunga na benki ya KCB kujiunga leo na kupata huduma za kibenki zisizo na usumbufu wa foleni. 

    • Blogger Comments
    • Facebook Comments

    0 comments:

    Post a Comment

    Item Reviewed: BENKI YA KCB TANZANIA YAZINDUA KAMPENI YA KUTOA HUDUMA ZA KIBENKI BILA FOLENI Rating: 5 Reviewed By: Ahmad Michuzi
    Scroll to Top